Habe ich frúnt die wúnſchē ir·
dc ſi iemer ſelig mvͤſſe ſin·
dvr die ich ellú wib v̾bir·
dú meret vil der froͤide min·
vn̄ kan mir guͤte ſich erwern·
dc man ir valſchen niht engiht·
ich entrúwe vō leide den lib ernern·
ſwenne ſi min ǒge niht enſiht·
Mir gab ein ſinnig h̾ze rat·
do ich ſi vs al der w̾lte erkos·
ein wib dú menige tvgend begat·
vn̄ lob mit valſche nie v̾los·
dc wc ein ſeliklichú zit·
vō ir ich groſſe froide han·
der ſchonē mv̊ſ ich den ſtrit·
vil gar an gv̊tē dingē lan·
Min lib vō liebe mac ertobē
ſwēne ich das aller beſte wib·
ſo gar ze gv̊te hoͤre loben·
dú nâhe ī minē h̾zen lit·
v̾holne nv vil manigē tac·
ſi túret gar die ſīne min·
ich bin noch ſtete als ich ie pflag·
vn̄ wil dc iemer gerne ſin·
Vil wūneklichē hohe ſtat·
min h̾ze vf menige froͤide gv̊t·
mir tůt ein ritter ſoꝛgē rat·
an den ich allē minē mv̊t·
ze gůte gar gewendet han·
dc iſt vns beiden 106r gůt gewin·
dc er mir wol gedienen kan·
vn̄ ich ſin frúnt darvmbe bin·