Got h̾re ân anegenge vn̄ ǒch an ende almehtig got·
dv iemer froͤide gebēder dinen lieben heiligē ſabaoth·
lop ſi dir hohem gotte geſagt· vs al den ſinnē min·
der vnzallichē eren vn̄ ǒch der hohē w̾dekeit·
die dv vs aller diner kraft mit voller wirde haſt geleit·
vf die geloptē reinē magt· die edeln mv̊ter din·
al din̾ wiſheit wūder werk dv haſt volle bꝛaht an ir·
mit aller diner almehtekeit· nah aller diner gir·
dv haſt ſi ſo erhoͤhet h̾re vber alle himel vn̄ erde wit·
dc ſi dir ſelbe froͤide vn̄ allen dinē lieben git·