Froͤit úch weſent fro·
gegē d̾ ſchonē ſumerzit·
ir ivngē daſt min rât·
mit uch ſinge ich ho·
ob mir troſt min frowe git·
an der min leben ſtat·
ach ſi iſt ſo gůt·
ſwie ſi mir ioch tůt·
ſolde ich ſi aleine ſehē·
ſo wurde ich hoh gemv̊t·
Si vil ſelig wib·
ſol mich noch genieſſē lan·
der ſtetē trúwen min·
dc min ſēder lib·
ir noch ie was vnd̾tan·
vn̄ mv̊s ǒch iemer ſin·
wúnſchent dc ſich ir·
lieb w̾de als ſi mir·
ſolde ich die vil liebē ſehē
dc wer mis h̾zen gir·
Dú liebe ſwa ſi ſi·
dú mis h̾zen hat gewalt·
dc mache ich ir wol kvnt·
valſches iſt ſi vꝛi·
tvgende hat ſi manicvalt·
rôt iſt ir der mvnt·
wiblich zuht ſi hat·
lachen ir wol ſtat·
vn̄ ir lihtē ǒgen ſchin·
al dur min h̾ze gat·