Es were ein wūneklichú zit·
d̾ nv bi frúndē moͤhte ſin·
wan ſiht an mir wol ane ſtrit·
dc ich vō der geſcheiden bin·
die ich erkos fúr ellú wib·
ir ſchoͤner lip·
der wart ze ſoꝛgē mir geboꝛn·
den ǒgen min mvͤs dike ſchadē dc ſi ſo rehte habent erkoꝛn·
Wer ſi mir vſ der mâſſe niht·
ſo wurde es vmb dc ſcheiden rat·
wā eſ mir alſo niht beſchiht·
als ſi mir gelobet hat·
ǒch ſol ſi min v̾geſſen niet·
wan do ich vō ir ſchiet·
vn̄ ich ſi ivngeſt ane ſach·
ze froͤidē mvͤſe ich urlup nemen dc mir davoꝛ e nie geſchach·