ER fvnde gv̊ten kǒf an minē iaren·
der ane froͤide wolte w̾den alt·
wan ſi mir leider ie vnnútze waren·
vmbe eines dc wer als ein troſt geſtalt·
gebe ich ir dꝛú ſo foͤꝛhte ich den gewalt·
deſ get mir not wie ſol ein man gebaren·
der ane reht ie ſiner engalt·
ERfunde ich noch wc fúr die groſſē ſw̾e·
die ich nv lange an minē herzen han·
beſſer dāne ein ſteter dieneſt were·
des wurde ein michel teil vō mir getan·
hulfe es mich iht ſo were das min wan·
ſwer ellú wib durh eine gar v̾bere·
dc man des genieſſen ſolte lan·
Ich fvnde noch die ſchonē bi dē rine·
vō d̾ mir iſt dc h̾ze ſere wunt·
michels harter danne es an mir ſchine·
wurde mir min ſwere kvnt·
dú mir iſt alſe domaſ ſaladine·
vn̄ lieber mohte ſin wol tuſēt ſtvnt·