Einen kargen wilent des bevilte· dc ein man ſich milte·
vn̄ eren vnd̾wāt·
des kerte er zewalde· zeinem ſchacher balde·
den bat er dc er den milten ſlvͤge·
do ſpꝛach er ſolt er den man v̾howen· ſo wolt er beſchowē·
ſinē lon zehāt·
des bot der vnholde· dꝛú pfunt im zeſolde·
wand er fúnfe in ſinem ſekel truͤge·
do ſpꝛach der ſchacher ſo moꝛde ich durh fúnfe lieber argen ſchalc·
dāne ich vmbe dꝛú den miltē ſere· din blv̊t ich verrere·
wan ich dinen balc·
hie zetode ſnide· ſwer dē fromē nide·
dē geſchehe alſam das iſt gefuͤge·