Ein schappel brun vnd vnder wilent ie blanc·
hat mir gehoͤhet dc herze vnd den mv̊t·
hie bi kv́nde ich min̾ frowen den sang·
dc si bekenne wer mich singen tůt·
ich sol mih gegen ir schulden huͤtende sin·
noh michels bc danne der ǒgen min·
si sie getrúwe das werde an mir schin·
Es ist ein wunder mir wart nie so we·
do ich wol vieren fúr eigen mich bot·
nv minne ich eine vnd deheine ander me·
vnd ist nah der einen noh grosser min not·
danne si were von minnen alsie·
es wc ein spil da mit ich vmbe gie·
nv erkenne ich minne die erkande ich ê nie·