Ein kuſlich mvnt zwei roſevarwe wāge·
hant min ǒge erſehen·
des diene ich ir mit minē núwē ſange·
dar zv̊ ſo mv̊z ich iehen·
dc ich bin ir eigē·
wil dú liebe gv̊te h̾zeliebe an mir erzeigē·
ſoſt mir wol geſchehen·
Vil ſchone wib nv dvs durh din ere·
la mich niht langer gern·
vn̄ kvnde ich vil ſo ſpꝛêche ich doh niht mere·
wā dv ſolt mich gewern·
des ich gegē dir ſinne·
ich bin ſo vꝛo wirt mir din hohgeloptiv mīne·
dú kan froͤide b̾n·
Vil gůtes wib la mich niht ſo v̾derben·
wand ich dir heiles gan·
mī h̾ze mv̊z nah dinē mīnē ſterbē·
dc bꝛinge ich niemer dan·
es en welle da belibē·
ich dien dir ī dem h̾zen mī voꝛ allē wibē·
ſwc ich dienen kan·