DEr Mensch das Spiel der Zeit / spielt weil er alhie lebt.
Im Schau-Platz dieser Welt; er sitzt / vnd doch nicht feste.
Der steigt vnd jener fällt / der suchet die Paläste /
Vnd der ein schlechtes Dach / der herrscht vnd jener webt.
5Was gestern war ist hin / was itzt das Glück erhebt;
Wird morgen vntergehn / die vorhin grüne Aeste
Sind numehr dürr vnd todt / wir armen sind nur Gäste
Ob den ein scharffes Schwerdt an zarter Seide schwebt.
Wir sind zwar gleich am Fleisch / doch nicht von gleichem Stande
10Der trägt ein Purpur-Kleid / vnd jener gräbt im Sande /
Biß nach entraubtem Schmuck / der Tod vns gleiche macht.
Spilt denn diß ernste Spiel: weil es die Zeit noch leidet /
Vnd lernt: daß wenn man von Pancket deß Lebens scheidet:
Kron / Weißheit / Stärck vnd Gut / sey ein geborgter Pracht.