Dv teilest vngeliche·
lieber herre got din gv̊t·
du gist einem dc wol viere moͤhten han·
genv̊g vnd wol mit eren moͤhten setzen vf gewin·
manig der ist riche·
vnd hat grôssen vber mv̊t·
lieber vatter iesus ist dc gv̊t getan·
ald weist dv lieber herre got dc ich so notig bin ·
dc dv mir niht gist als einem vngemêssen man·
nv bin ich doch gar gemêsse·
herre wc han ich getan·
vnd ich doch vil lihte din gedenke me·
nein wc ob ich din vergêsse·
herre got dv teile als ê·
dv bist der da teilen vnd wellen sol·
ich wil niemer me gestrafen dich wan dv tůst wol·