Dú heide noch der vogel sanc·
kan an ir trost mir niht freude bringen·
dú mir dc herze vnd den lip hat betwngen·
das ich ir niht vergessen mac·
swie uil si gesingent mich dvnket ze lanc·
das bîten dur das verzage ich ich an gůten dingen·
da von mv̊s ich dur not sin vngesvngen·
von ir wan mir nie wib so nahe gelac·
swenne si wil so bin ich leides âne·
min lachen stat so bi svnnen der mâne·
doch was genv̊c gros min freude her von wane·