Die wisen merken wie mir senden ist beschehen·
ich bin mit ganzem libe enzwei geteilet wunderliche·
da ich halb̾ bin da wenet man mich ganzen sehen·
vnd siht doch nieman da min ist dc beste sicherliche·
dú liebe hat dc herze min·
dast min der beste teil der stete mv̊s bi ir beliben·
so trage ich libes halb den schin·
den lúten vor in ganzer schǒwe mannen vnd ǒch wiben·
nv sprechent an wer wart alsus geteilet ie·
ia bin ich leider ganzer weder dort noch hie·
vnd bin doch endeliche beide hie vnd da·
der mich nv sv̊chen solte wie wolde er mich vinden alder wa·