Die ich vs al der welte zefrowen habe erkoꝛn·
ze hohen froͤiden mir zetroſt zewunne vn̄ ǒch zeheile·
dú hat an mich gewant ir has vn̄ ǒch ir zoꝛn·
ich mv̊s v̾derben wirt mir niht ir w̾der grůs zeteile·
ſi reine beſſer danne gůt·
ſi ſvnder trut ſi mannes zart· ſi krone ob allē frowē·
ſwc ſi mir eine leides tůt·
vn̄ niemen mêr den ſvnder wandel mac man an ir ſchowē·
ia ſi reine ſvͤſſe ſenfte moꝛderin·
min herze iſt doch bi ir ſwa ich der lande bin·
ir zuht ir ere ir lob ich ie zem beſtē mas·
ſwie ſeltē ſi gedenke an mich in trúwē ich ir nie v̾gas·