Die gedanke min si luket·
die vliegent zv́ zir geschart·
manig girig sin der vlucket·
nach ir vf die iagevart·
der ist vil hin zir geswungen·
mehten sie si han betwungen·
dc wer niht da her gespart·
Mag ich ir niht me geniessen·
doch so kan ich einen swank·
wúnschen kan si zv̊ mir sliessen·
verre ist mir ir vmbevang·
so si min gemvͤte erluzet·
von sorge in froͤide es sich mvzet·
svs froͤwe ich mich ane ir dank·