Der nît sin vas vil tvnkel verwet als ein bleich gehilwe·
swen er besizet des gemvͤte wont in leides gilwe·
sam dc har dú milwe· kan tǒgenlichen wol zerkivn·
svs kivwet er sin selbes nest der vppekliche trvret·
er machet dc dvrch froͤmde svͤssekeit ein herze svret·
darinne er vermvret· lit als ein made in einer schivn·
wissent dc ein nidig herze niemer růwe wirt gewar·
wan es sin gemvͤte gar· ze tode an froͤiden snidet·
durh das die werden vngelúke schúhet vnd midet·
wol im der has dvrh sine selde von dem argen lidet·
swen der boͤse nidet· der wirret sich in heiles riun·