Der mîſſener hat ſanges hoꝛt in ſines h̾zen ſchꝛine·
ſin don ob allē rêſen doͤnē vert ī erē ſchine·
da mit er bi rine· die ſinger leit in ſin getwanc·
in fůrtē vb̾s leb̾ mer der wildē grifē zwene·
da lerte in vnd̾ wegē doͤne ſingē ein ſýrene·
lebte noch elene vō kriechē ſi ſeit im ir dank·
dvr ſin adelliches doͤnen dc da klinget hoh enboꝛ·
er get an d̾ wirde voꝛ ſmaragdē vn̄ ſaphiren·
er doͤnet voꝛ vns allē ſam dú nahtegal voꝛ giren·
wā ſol ze ſinē ſange vf einē meſſetage viren·
alſvs kan ich liren· ſpꝛach einer der vō eggē ſang·