Der heldē mīne ir klage·
dv ſvnge ie gegē dem tage·
dc ſvre nach dē ſvͤſſē·
ſwer mīne vn̄ wiblich gruͤzen·
alſo enpfiēc dc ſi ſich mv̊zent ſcheiden·
ſwc dv do riete in beidē·
do vf gie d̾ moꝛgē ſt̾ne·
wahtere ſwig da vō niht ſing gerne·
Swer pfliget oder ie gepflag·
dc er bi liebem wibe lag·
dē merkern vnv̾boꝛgē·
d̾ darf niht dvrh dē moꝛgē
dānen ſtrebē· er mag deſ tages erbeitē·
mā darf in niht vs leitē·
[ ] vf ſin lebē·
ein offenú ſvͤzú wirtes wib kan ſolhe mīne gebē·