Dem adelarn vō rome w̾deklichē iſt gelv̄gē·
wā er krinvogele ein wūd̾ hat mit ſiner kraft betwūgē·
er hat lob erſwūgē· durlúhtig lut̾ vn̄ glanz·
hebch vn̄ valken twāg er ze oſterlandē vn̄ in ſtúre·
dc mag ī púlle erſchꝛeken wol die rappē vn̄ die gire·
rvbine vil ſaphire· vil billich zierēt ſinē kranz·
ſin gelúke vn̄ ſine kraft entſitze ſwas nv wildes lebe·
es geſwimme od̾ ob es ſwebe· ob dē kan er wol fliegē·
kein vogel kan vs allē landē wid̾ in nv gekriegē·
ſich mvͤſte ein lewe vs behein vnd̾ ſine klawe ſmiegē·
er iſt ane triegē· veſte vn̄ an hohē erē ganz·