De Schdraße des achzehnden Okdower.
Das allerneieste Objekd der Frase
Is jetzd de achzehnde Okdowerschdraße,
Un wo mer hinhorchd, machen ihredhalm
De Badrioden ä gewaldgen Qualm.
5De Oogen von Eiroba sein gerichd
Uff das, was zu endschdehen hier verschbrichd
Uff was — mehr gann unmeeglich mer verlang —
Se ohm un unden schon hamm angefang.
De Bauke had nu allerdings ä Loch
10Den edwas unglar is de Sache noch,
Schbield hier doch rein das Schdadionbrojekd,
Das se zum Iwerfluß hamm ausgeheckd.
Fiehrnse das dorch — das duhn se sicherlich —
Dann baßd’s nachher mit de zwee Enden nich;
15Was de draus werd, das weeß bei uns mer nie
Un in de Mitte gäm ä großes Gnie.
Denn mid der Schlauheed, die uns Leibzger zierd
Hamm Anfang mer un Ende ausgefiehrd.
Die Schdraße, heeßd’s nu — wärd biramidal,
20Nur fer de Midde fehld uns — ׳s Areal.
Die Schdraße wärd ä Schdols fersch Vaderland,
Der Boden nur is noch in dridder Hand.
In solchen Sachen da is Sie Leibzg groß —
Mer hamm Sie guden Mud un baun druff los.
25Das Eene nur, das wissmer gans gewiß,
Daß de der Breis nachher gefefferd is
Un daß wahrscheinlich jeder sich verhaud,
Der in ä solchen deiern Verdel baud,
Der Badriode gehd bein Wein je hoch,
30Doch rechnen, heernse, rechnen gann er ooch;
Er galgulierd das Ding mit sein Gusäng
Un nachen sagd er: „Nich in de la mäng!“
Ehr nich der Bahnhof aus’n Weg gereimd,
Hammer da draußen wärglich nischd verseimd,
35Un wer sich mid den Fiskus ein muß lassen,
Der dud sehr gud, sich in Geduld zu fassen.
Aus diesen Grunde läßd voraus sich sehn,
Daß an der Schdraße viele bleide gehn.
Was se jetzd schwafeln, das is alles Wind —
40De Schdraße wärd fer Leibzg ä Schmerzensgind!
F. M.