Das herze ist mir vor leide nah verswunden·
mir hat versagit die froͤide min verkeret·
vnd minen mv̊t núwan truren gel̾et·
wan ich nv han ir vngenade bevunden·
dc tv̊t mir leit vnd we zallen stvnden·
min vngelúke ist mit sorgen gemeret·
mich habent ir wort also sanfte verseret·
dc ich niht moͤhte vberwinden die wunden·
Swenne ich genaden ie gegen ir gedahte·
so froͤit mich ir schin in dem mv̊te·
so enpfie aber si min rede so gar zvngv̊te·
dc ich erschrak vnd mich an truren brahte·
owe so vorhte ich dc es si versmahte·
so het ich sorge als ein kint zeder růte·
wie ich gegen ir hulden mich also behv̊te·
dc si iht von zorne sich an mir vergahte·