Das die miltē alſo fruͤge ſterbent· die nah pꝛiſe w̾bent·
dc geſchiht da von·
dc ir al zekvme· got in himels rume·
wil enbern zeſtetem ingeſinde·
lange lat er ſi niht leben vf erden· dvrh dc ſi doꝛt w̾den·
froͤiden vil gewon·
vn̄ er mit in ſchiere· ſine koͤꝛe ziere·
da man inne keinē boͤſen vinde·
wc ſolt ein tvgentloſer boͤſwiht ī gotes himel tron·
er lat in dē tot vil lange fliehen· dvrh dc im geziehē·
ſol keī ander lon·
wan dc er mit ſchandē· lebe ī ſv́nde bandē·
vn̄ dc in dú helle dāne ſlinde·