Als ſich min ſinne·
nach ir mīne
ſtelſent vnde hulfe ſi mir·
es weꝛe ir
ſúnde nicht·
wan ſender ſmerze·
wil min herze·
bꝛingen in todes has·
ob ſi das·
nicht v̾ſicht·
vf mine trúwe· ſi wirt ſchuldig an mir·
ob nicht ir guͤte·
min gemuͤte·
troͤſtet es iſt min tot·
lieb die not·
klage ich dir·
LAs dich erbarmen·
mich vil armen
wunden du tůſt mir das·
du 373r giſt bas·
mir ǒch wol·
das tů noch reine·
wan ich meine·
dike mit trúwen dich
als ǒch ich
billich ſol·
wan ich bin gar vn̄ gar lieb din eigen knecht·
min kúneginne·
bꝛing mich inne·
troſtes eſt nicht zefrů·
wan darzů
haſt dú recht·
Das recht dú here·
lange ſere·
bꝛicheſt ſwie
lob vō mir doch ie·
dir vſ erſchal·
vn̄ dir min trúwe·
ie ſo núwe
waren das alles v̾uie·
mich doch nie·
ub̾al·
doch mechte ich niemer ir lob geſīgen gar·
doch ſol die ſuͤſſen·
min lob gruͤſſen·
iemer ſo ich beſte kan·
dauō wan·
ſi iſt ſo clar·