Al der w̾lte froͤide meret·
âne mich alleine deſt ein not·
ich bin trurē ſo geleret·
mich entroͤſtet walt noh blv̊men rot·
noh der vogel ſingē·
owe ſol mir iem̾ wol gelingē·
Weſt ein wib min vngemvͤte·
wc ich h̾zeleides vō ir han·
ich genvſſe lihte ir gvͤte·
dc mī kvmb̾ wurde wid̾tan·
ſwer ir ſage dú mere·
d̾ gewinne niem̾ herze ſwere·
Ich bꝛach an des ſvmers ende·
einē blv̊mē d̾ wc wol getan·
gar an alle miſſewēde·
mvͤz ich ſi mit armē vmbevan·
ſo wer al min ſw̾e·
gar getan als ich eī keiſˢ w̾e·
Von ſchade giht mā māger wiſe·
w̾de des engihe ich niht·
vō ſchadē wirt man toꝛhaft vn̄ griſe·
ſwa d̾ ubel ſtat geſchiht·