Ach got wes zichet mich dv́ vꝛǒwe min·
das ſi mir tůt
gros vngemach ſin weis vmbe was·
ir eigen diener wil ich iem̾ ſin·
wan ſiſt ſo gůt·
tůt ſi mir we·
ſi tůt mir wol bas·
ſweme das ſi zoꝛn
ich han ſi zetroſt erkoꝛn·
ſo ſchoͤnes wart zer welte nie geboꝛn·
ſecht wêlck ein wip·
ziether wie rechte zart iſt ir lib·
Ein múndelin ſo rechte roſen rot·
wa mag das ſin·
niender des ſwůr ich wol einen eit·
ſiſt dv́ dur die min h̾ze lidet not·
ach wer ſi min·
ſo wer min truren gar hin geleit·
miner froͤiden funt
lit an ir zaller ſtunt·
ir ǒgen lv́chtent dur mīs h̾zen grunt·
ſecht welk ein wip·
ziether wie rechte zart iſt ir lip·