486467. Ach bleib mit deiner Gnade.
1ACh bleib mit deiner Gnade
Bey vns, Herr Jesu Christ,
Daß vns hinfort nicht schade
Des bösen Feindes List.
2Ach bleib mit deinem Worte
Bey vns, Erlöser werth,
Daß vns beyd hie vnd dorte
Sey Güt vnd Heyl beschert.
3Ach bleib mit deinem Glantze
Bey vns, du wahres Liecht;
Dein Wahrheit vns vmbschantze,
Daß wir abfallen nicht.
4Ach bleib mit deinem Segen
Bey vns, du reicher Herr,
Dein Gnad vnd alls Vermögen
In vns reichlich vermehr.
5Ach bleib mit deinem Schutze
Bey vns, du starcker Heldt,
Daß vns der Feind nicht trutze
Vnd felle die böse Welt.
6Ach bleib mit deiner Trewe
Bey vns, mein Herr vnd Gott,
Beständigkeit verleihe,
Hilff vns auß aller Noth, Amen.