(0415C)Hujus nempe diem numerumque ac tempus et [annum,
Officia pariter, sanctorum et nomina partim,
Quem supra tetigi, Rabanus jure magister
Versibus obtitulat, partim sermone retexit.
Panso equidem cujus nunc hic ordine dicta
Florigera huic operi dignum infigenda putavi:
Quatenus in libro hoc memori narranda relatu
Illaesa intactaque simul serventur in aevum.
Haec tibi, frater mi coram solemnia praesens
Ut vidi, ut sensi, ut super haec addiscere quivi,
Versibus exposui: jam nunc hic limite facto,
Quae superaddita sunt, alii scribenda relinquo.