Miscellanea (Venantius) — II. Ad eumdem, cum rogaretur ad coenam.

Nectar, vina, cibus, vestis, doctrina, facultas,
Muneribus largis, tu mihi Gogo sat es.
Tu refluus Cicero, tu noster Apicius exstas,
88.0234B| Hinc satias verbis, pascis et inde cibis.
Sed modo da veniam bubula turgente quiesco,
Nam fit lis uteri, si caro mista fremat.
Hic ubi bos recubat, fugiet, puto, pullus, et anser,
Cornibus et pennis non furor aequus erit.
Et modo jam somno languentia lumina claudo,
Nam dormire meum carmina laeta probant.