Nondum minaci cornua Bosporo
Decussit audax Pontus, et efferi
Servire Neptunus Gelonis
Turpe gemit, resonasque fluctu
Plangente ripas Thraca rebellibus
Immugit undis. Emathiam pudet
Frenos momordisse, et Pelasgos
Odrysiis dare colla loris.
Moerent tenaci compede Cyclades
Pigrae moveri: moeret Achaica
Tethys, inaequalesque campi
Perpetuo lacrymantur Hebro.
Semperne nigras Aethiopum domos,
Vel, quae superbus praefluit oppida
Ganges, Abvdenasque turres
Supplicibus tremuisse pinnis
Formidolosam juverit Artacem?
Seseque captum Bosporus omnibus
Undis, Erythraeoque, et alto
Ionio Arabioque ploret?
Vani futuri temporis augures
Foecunda rerum saecula discimus:
Si non retractamus fideli
Tela manu, tacitoque gaudet
Vagina ferro; si clypei vacant,
Hastaeque et arcus. Non animi placent
Parci laborum, non magistrae
Consilii, sine Marte, linguae.
Frustra Novembres dicimus ad focos
Pugnata Iihaetis bella sub Alpibus:
Frustra renarramus Gelonum
Versa retro retulisse signa:
Si non et ipsi stringere Noricos
Audemus enses: quos male barbara
Non decoloravere terga,
Sed Tyrio Latiale fuco
Illevit aurum, non sine gemmeo
Circumsonantis fulgure balthei, et
Grato catenarum tumultu,
Et sonitu phalerarum acuto.
Formosa fortes arma timent viros,
Frangique nolent, seu profugus Scythes,
Seu creber e campis agetur
Myrmidonum Dolopumque nimbus.
Quicumque suras et caput induet
Auro, Quirites, exuet Italum:
Civisque Romanus negari
Impavido patietur hosti.
Nec, qui capillum finget et aureum
Solem refusis crinibus allinet,
Dicemus Umbrum, qui frementes
Antiochi Annibalisque turmas
Rursum efficaci diruat impetu,
Alpesque clausumque intrepida manu
Perrumpat orbem. Sic citatis
S secula degenerare metis
Sancit futuri temporis arbiter:
Certoque prudens ordine segreges
Metatur annos. Nunc severis
Artibus ingenioque pugnax
Affulget aetas: nunc melior foro
Gestit disertis fervere jurgiis.
Haec Thracas audacemque Bessum
Haec Cilicas, pavidosque Seras
Produxit aetas. Nos senio piger
Effudit Orbis, dedecus ultimum
Mundi, fatiscentisque naturae
Opprobrium. Male nata proles,
Quidquid bonorum restitit (heu nefas!)
Morum, scelesta deterimus nota,
Mentisque et excelsi latrones
Ingenii, violenta fraudum
Tormenta sanctis addere dotibus
Laudamur ultro; nec scelerum pudet
Virtusque clamatur sagacem
Flagitis violare dextram.
Iras et enses vendimus, et manum,
Hac, unde nummis aura refulserit:
Sparsique tinnitus -ad auri
Sollicita vacat aure vulgus.
Et qua secundis jecit honoribus
Bene ominatam mobilis aleam
Fortuna, mentitur caducae
Plebis honos, positoque fallax
Accumbit omnis poplite civitas,
Perjura festo s urgere cum joco,
Ciun pompa stipantum, et dolosi
Praeteriit breve fulgur auri,