Personae:
Gulielmus, Ludimagister.
G.
Praeceptor, non restat mihi Charta ad scribendum; visne dare codicem?
L.
Quem in usum?
G.
Partim ad colloquia, partim ad exemplaria.
L.
Retulisti in codicem tuum?
G.
Retuli.
L.
Ostende.
G.
Ecce tibi, praeceptor.
L.
Quid istud? Retulisti octodecem: vis ergo de maiore?
G.
Si tibi placet.
L.
Pete a famulo; ac, ne dubitet, ostende illi tuum codicem, ut idem in suum referat.
G.
Audio.
L.
Audi item: cave abutaris charta, ne tibi pater graviter succenseat.
G.
Faxit Deus ut bene utar.