Epigrammata (Sarbievius) — XLVI. B. Aloysius sacro lumine circumfusus.

Nox erat, et posito juvenis requierat amictu:
Venit Amor: posita se tegit ipse toga.
Sic ibat! sic ipse nigra sibi veste placebat!
Sic erat in refluo plurima ruga sinu!
Interea tacito vestes uruntur ab igni,
Et bibit admotas proxima palla faces.
Mane vigil positos juvenis repetebat amictus,
Et circumfusae luxit in igne togae.
Non miror juvenem tacitis arsisse favillis;
In tacitas, miror, non abiise faces.