Epigrammata (Sarbievius) — XLIX. Petro Malaspinae Rectori Florentino Soc. Jesu.

Scitata est flores nuper Florentia: cingat
An bona spina suas, an mala spina rosas?
Optavere malam, tangi quae forte volebant:
Nam mala tacturos pungere spina nequit.
Optavere bonam, tangi quae forte negabant:
Nam bona tacturos pungere spina solet.
Sic demum variam clausit Florentia litem,
Esset ut alterutris assita spina rosis:
Nullus ut has tangat, tangantur ab omnibus illae;
Sit bona spina malis, sit mala spina bonis.