Salvia, cui nomen elelisphacus est apud Argos,870
cum mulsa jecoris prodest potata querelis,
pellit abortivum, lotiumque et menstrua purgat,
trita venenatos curat superaddita morsus,
crudis vulneribus (quae multo sanguine manant)
apponas tritam, dicunt retinere cruorem. 875
Cum vino succus tepidus si sumitur ejus,
compescit veterem tussim laterisque dolorem.
Pruritus vulvae curat virgaeque virilis,
si foveas vino fuerit quo salvia cocta.
Illius succo crines nigrescere dicunt,880
si sint hoc uncti crebro sub sole calenti.