Hic populis nostris, cleroque, sacrisque ministeris,
Annua solemnis remearunt gaudia festi.
Nam quis non tantae thesaurum rite sophiae
Laudibus ac votis venerari gestiat amplis?
Ex quo perpetuis ornantur saecula gazis,
Aureus unde micat coelesti dogmate sensus,
Eloquium argenti superat lucisque nitorem,
Virtutum cunctae fuscantur lumine gemmae,
105.0374D| Quis Libyae pollent fines, quis Francica regna,
Hesperiae gentes florent, populique Britanni,
Et mundum mundique caput sacra Roma coruscat,
Ac toto illustris plebs credula fulgurat orbe.