O mea magna salus, o spes, o gloria regni,
Carle, valeto poli rege favente tibi. Tu patris et patriae, tu totius ecce senatus Gaudia multiplicas, et decus omne paras.
105.0375A| Clarior electro, ter cocto purior auro,
Cedunt splendori cuncta metalla tuo. Alitibus levior, tu fortior ipse leone, Artibus excellens, promptus in arma manu. Te nimium capitis sitiunt duo lumina nostri, Cernere teque cupit pectoris altus amor. Nam cum tu Occiduas coepisti tangere partes, Vicinum et sensi servus amicus herum: Ipse Noto levior, volucri velocior Euro, Mox vestros volui pronus adire pedes. Jussio me regis voto compescuit isto, Et dedit alterius carpere callis iter. Jamque iterumque volens impune coercitus exsto, Bisque venire parans, bisque negatur iter. Dulcia vestra mihi Gomis est cum verba profatus,
105.0375B| Seque salutare servulus audit herum:
Mox lacrymosus hiems oculorum nube reluxit,
Imbreque suffudit frons peregrina genas. Laetitia ergo solet tales producere fontes. Et vice conversa gaudia dant lacrymas. Hoc rogo mancipium vinclis onerate gemellis, Brachia si nectas, non fugitivus ero. Suo proavus vinclis et avus, pater ipse catervas Nectentes, regni commeruere thronum. Inde superborum plure falangi stravere. Certando et subigunt plurima regna sibi. At tu, magne puer, salveque valeque, per aevum, Te dominus coeli protegat, ornet, alat. Ut patrias valeas rutilus conscendere sedes, Atque juvante Deo scettra tenere manu.
105.0375C| Et sic mundani regni terrena relinquas
Culmina, ut aetherii postmodo compos eas.