Saepe dat ingenium quod vis conferre negabat,
Compos et arte est qui viribus impos erat,
105.0330B| Ereptum furto castrensi in turbine quidam
Accipe qua miles arte recepit equum. Orbus equo fit praeco, cietque ad compita voce, Quisquis habet nostrum reddere certet equum. Sin alias, tanta faciam ratione coactus, Quod noster Roma fecit in urbe pater. Res movet haec omnes, et equum fur sivit abire, Dum sua vel populi damna pavenda timet. Hunc herus ut reperit, gaudet, potiturque reperto, Gratanturque illi quis metus ante fuit. Inde rogant quid equo fuerat facturus adempto, Vel quid in urbe suus egerit ante pater. Sellae, ait, adjunctis collo revehendo lupatis Sarcinulisque aliis, ibat onustus inops. Nil quod pungat habens, calciaria calce reportans,
105.0330C| Olim eques, inde redit ad sua tecta pedes. Hunc imitatus ego fecissem talia tristis, Ni foret iste mihi, crede, repertus equus.