Frowe wilt dv mich genern·
so sihe mich ein lúzel an·
ich enmag mich lange niht erwern·
den lip mv̊s ich verlorn han·
ich bin siech min herze ist wunt·
frowe dc hant mir getan min ǒgen vnd din roter mvnt·
Frowe mine swere sich·
ê ich verliese minen lip·
ein wort dv spreche wider mih·
Verkere das dv selig wib·
dv sprichest iemer neina nein·
dc brichet mir min herze enzwein·
maht dv doch eteswenne sprechen· ia ia ia ia·
ia ia ia ia· dc lit mir an dem herzen na·