Frowe wilt dv mich genern·
ſo ſihe mich ein lúzel an·
ich enmag mich lange niht erwern·
den lip mv̊s ich verloꝛn han·
ich bin ſiech min h̾ze iſt wūt·
frowe dc hant mir getan min ǒgē vn̄ din roter mvnt·
Frowe mine ſw̾e ſich·
ê ich v̾lieſe minē lip·
ein woꝛt dv ſpꝛeche wid̾ mih·
V̾kere das dv ſelig wib·
dv ſpꝛicheſt iemer neina nein·
dc bꝛichet mir min h̾ze enzwein·
maht dv doch eteſwēne ſpꝛechē· ia ia ia ia·
ia ia ia ia· dc lit mir an dem h̾zen na·