Responsum:
Spiritui sancto
honor sit,
qui in mente Ursule virginis
virginalem turbam velut columbas collegit.
Unde ipsa patriam suam
sicut Abraham reliquit.
Et etiam propter amplexionem agni
desponsationem viri sibi abstraxit.
Versus:
Nam iste castissimus
et aureus exercitus
in virgineo crine
mare transivit.
O quis umquam talia audivit?
Et etiam propter amplexionem agni
desponsationem viri sibi abstraxit.
Gloria patri et filio
et spiritui sancto.
Et etiam propter amplexionem agni
desponsationem viri sibi abstraxit.
Gloria patri et filio
et spiritui sancto.