Si cui coxendix gressum fraudaverit ipsum,
Ossaque perlustrans furibundus creverit humor,
Sume polypodium quam dicunt esse filiclam,
Cui bene miscetur tritus cariophylus ater
Ductilis et piper, gratum cunctis cynamomum.
(0374D)Sic potum facias; tribuas sed non sine melle.
Arboris ulmineae discas perquirere librum,
Cui rubiam misceto, simul potato jucundus.
Urticam cernens ruris, ne sperne majorem,
Quae potata diu noscit comburere pestem.
Id teneas certum firmum verum quoque, nate.