Miscellanea (Venantius) — XV. Item pro eadem re ad Gallienum.

Officiis experte tuis, moderamine solers,
Sollicitus studiis, utilitate comes.
More mihi solito, dulcis tibi debita solvo,
Qui colo, devinctus reddo salutis opus.
Sit commendatus homo, quem male torsit iniquus,
Perdidit et genitam heu! miser iste suam.
Huic da justitiam, de vulnere corporis emptam,
Et pie captivam fac remeare suam.
Inter utramque necem, cui lex et filia desit.
Unus in ambabus rebus adesto salus.