Miscellanea (Venantius) — XIV. Item pro eadem re ad Romulphum, vel Rainulfum.

Si rapidis oculis te semper, amice, viderem,
Sic quoque vix avidum me satiaret amor.
Qui si praesentis non possum cernere vultum,
Te mihi vel scriptis, chare, saluto libens.
Hunc etiam famulum commendo, benigne, verenter
Et si justa petit, hunc tua lingua juvet.
88.0340C| Qui tortus graviter genitam sibi luget abactam,
Per vos ut redeat filia, causa rogat.
Paupere ut audito, dum estis medicina dolenti,
Et vestris curis sit pia cura Deus.