Corde parentali, jugi pietate colendi,
Hinc Lupe blande mihi, Waldo vel inde sacer.
88.0311A| Ut bonitate pari simul estis honore ministri,
Sic mihi consimili semper amore rati.
Quod valeo, facio, absens dependo salutem,
Si non possum oculis, vos peto litterulis.
Pontifici summo nos commendare precamur,
Regibus et dominis forte salutis opes.
Droctoveo, dulci clero, et concivibus oro.
Quod praesens facerem, vos adhibete vicem.
Mummulus egregius veneretur, Caesareusque,
Et Constantino me memorate meo.