Diva, per latas celebrata terras
Caelibi Numen genuisse partu,
Mater et Virgo, genialis olim
Libera noxae:
Dulce ridentem populis Puellum
Prome formosis, bona Mater, ulnis:
Expiaturum populos manu demitte
Puellum.
Apta dum nostris venit hora votis,
Supplices audi, meliore mentes
Erudi voto! socia Puellum
Voce precamur.
Integram nobis sine labe vitam,
Prosperam nobis sine clade mortem,
Christe, stellatasque Maria Divum
Annue sedes.
Numinis natam tibi crede prolem,
Qui pius credi cupis! Ille multis
Pressus aerumnis populos ab imo
Eruit Orco.
Ille non unquam pereuntis aevi
Scripsit haeredes: et inobsequentis
Praesidem leti cohibet severae:
Lege catenae:
Ausus indignum tolerare letum,
Sontis Adami memor. Ille necdum
Praevius ductor penetrarat alti
Limina coeli,
Donec informi Deus e sepulcro
Prodiit victor: bene jam supremo
Assides, Adam, solio perennis
Hospes Olympi.
Nos tuam plebem sobolemque sanctis
Alleges campis, ubi regna Divum
Gaudii torrens et inundat almi
Flumen amoris.
Saucium nobis latus et cruentas
Ille plantarum manuumque plagas
Sustinet: nobis medicos latus destillat
in imbres.
Hoc fide concors animique major
Turba credamus, scelus eluisse,
Et salutarem patuisse nobis
Vulnere Christum.
Ite: jam foedam (monet hora) labem,
Ite, mortales, prohibete: magno
Carmen et totam sine fraude mentem impendite
Regi.
Tu tua, Virgo, Sobolemque Regemque
Aetheris, leni prece; ne malorum
Turbo per praeceps cmnulosque sese
Explicet omnes.
Siderum cives, facilem precati
Siderum Regem, reserate coelum
Civibus terrae, socialis olim
Turba futuri.
Ille nos, Jesu, locus, illa tecuin
Regna conjungant, ubi nos eanentum
Coelitiun pridem vocat in beatam exercitus
aulam.
Sic erit, votis iteramus omnes:
Sic erit. Septem bona verba laeto
Profer eventu, Pater, et beatos
Pande Penates.