Qualis ubi Phrygia Jovis armiger educatus Ida,
Audax hiulci fulminis satelles,
Vere novo teneras Aquilonibus experitur alas,
Terrasque nescit, immemorque nidi,
Magna patris relegit vestigia, fulminumque late
Circumtonantes visit officinas,
Evincitque Notos, et inertibus evenit pruinis,
Coeloque tensos navigat per imbres:
Talis inassueto circumvagus ingeni volatu,
Doctus paternae strenuusque pennae,
Celsa super procerum palatia, despicisque terras,
Summasque rerum pervagaris arces.
Quaque pater dubiis populos super immoratus alis
Leges superbis dividit tyrannis:
Hac neque consilii, neque degener ingeni, secutus,
Aequis adurges nisibus volantem.
Ille tamen dominas frenaverat Insubrum secures,
Forumque gnavus rexerat Triumvir:
Te rerum exsortem tenuit domus innocentis oti,
Ausum togatas exuisse curas.
Nec te plebis honos, neque litibus intonata centum
Verbosa raucis bella sub patronis,
Nec plorata reis subsellia, nec triumvirali
Adjudicatum curiae tribunal;
Sed jucunda teuent oblivia diffluentis aevi,
Et urbis expers patriaeque vita.
Non tamen interea niveos sinis exsulare mores
Aidis potentum, curiisque regum: .
Praeceptisque Numas et legibus anteis Lycurgos,
Valeriosque vineis et Catones,
Dum prohibes tumidum popularibus ambitum procellis
Regni verendos obsidere postes:
Nec pateris mediis assistere Caesarum catervis
Coecasque fraudes, desidesque luxus,
Exsomnesque dolos, et dulcibus illitum venenis
Aulae nitorem, barbarutnque fastum.
Quin etiam teneros virtutibus imbuis Quirites,
Sacrumque cunis advocas honestum,
Ignotumque doces vagitibus alloqui Tonantem,
Rudemque Divis explicare palmam.
Jamque novos debet tibi Martia Roma Scipiones,
Centumque Magnos, Maximosque centum,
Et Belgae Carolos, et Lechica regna Casimiros,
Novosque Dacus debet Emericos;
Ferrea paciferum qui saecula digerant in aurum,
Mundique pronas fulciant ruinas,
Et Tiberi Gangen, et Gadibus asserant Hydaspen,
Et regna primo differant Eoo.
Quorum sponte fluens sub foedera militaris Ister,
Rumpat tenaces Bosporo catenas.
Quos neque fulminea de pectoris emovebit arce
Inane regni purpuraeque fulgur,
Nec quae dispositis toga luxuriosior lapillis
Furto pudentis erubescit ostri;
Nec solium, nec quae manus imperiosiore sceptro
Moestse minatur annuitque plebi.
Haec adeo longi cum perleget otii sequester
Ursinus, almi prima cura Phoebi,
Tristibus ignotum te non sinet immori tenebris:
Sed te futuro consecrabit aevo,
Temporis egressum ludibria, turbinesque rerum, et
Caliginosi saeva j ra leti.