Quid muti trahimus diu
Segnes excubias? Suggere postibus
Dereptum, Rosa, barbiton.
Nos arguta manu lila docebimus:
Tu buxum digitis move,
Et mutis animam suffice tibiis.
Non cantabimus aureos
Stellarum vigiles, sistere lubricam
Mundi sollicitos fugam, et
Palantum choreas ducere siderum:
Tu rerum Dominam canes,
Et sparsam Zephyrorum arbitrio comam
Nudis ludere brachiis,
Et nimbos volucrum fundere crinium.
Addes et teretes pedum
Suras non humilem lambere Cynthiam;
Et sutas chlamydum faces,
Indutique togam solis amabili
Emirabere fistula:
Donec virgineis laudibus et suis
Placatus, resecet moras,
Et currum madidis flectat ab ludiis.