Personae:
Magister, Caperonus.
M.
Heus! Caperone.
C.
Hem! praeceptor.
M.
Quid fiet frater tuus?
C.
Aegrotat.
M.
Qui scis?
C.
Satis apparet.
M.
Quo signo?
C.
Quia vomuit.
M.
Quid illi dolet?
C.
Caput et stomachus, ut dicit.
M.
Cur non recepit se domum?
C.
Non ausus est.
M.
Tu vero non audebas me admonere? Age, duc illum tu ipse domum usque, et matri narra diligenter ut ille se habeat. Propera, quid cessas? duc eum lento gradu.
C.
Ducam, praeceptor.