Personae:
Plunderius, Hypodidascalus, Praeceptor.
H.
Quid vis?
B.
Licetne mihi ire domum?
H.
Cut ante horam?
B.
Pater iussit ut nunc adirem.
H.
Quid eget opera tva?
B.
Vult me in villam mittere.
H.
Quid eo?
P.
Petitum uvas, et eadem opera nuntiatum aliquid villico nostro.
H.
Quid si fallis?
B.
Adferam testimonium, ut soleo.
H.
Quando redibis?
B.
Hora prima, ut spero.
H.
Qui tam cito?
B.
Villa nostra non longe hinc est.
H.
Ito sane.