Personae:
Eusebius, Praeceptor.
E.
Praeceptor, visne mihi mutuo dare aliquantulum pecuniae?
P.
Quid opus est tibi pecunia
E.
Ut Sylvio satisfaciam.
P.
Quantum debes illi?
E.
Assem cum semisse.
P.
Quo nomine?
E.
Quia scripsit mihi aliquot colloquia.
P.
Ostende.
E.
Vide, si placet.
P.
Adi hypodidascalum, dic ut det quantum petis.
E.
Gratias ago, praeceptor.
P.
Non est quod agas; sed refer in codicem tuum.
E.
Quin iam retuli.
P.
Factum bene, ostende ipsi hypodidascalo.