Personae:
Lacetus, Hypodidascalus.
L.
Praeceptor, licetne mihi prodire?
H.
Quae tibi est prodeundi causa?
L.
Est mihi eundum ad forum.
H.
Quid eo?
L.
Ut emam corium.
H.
In quem usum?
L.
Ad calceorum soleas.
H.
Quis te adiuvabit in emptione?
L.
Quidam oppidanus, cui hoc mandavit pater meus.
H.
Debueras adire me cum caeteris, qui ad forum prodierunt.
L.
Occupatus eram.
H.
Qua in re?
L.
In scribendis ad patrem literis.
A.
Quando eas dabis?
L.
Hodie, si quem in foro offendero.
H.
Abi; et memineris ad horam sextam adesse
L.
Meminero.