Epigrammata Ausonii de diversis rebus — 65. In Marcum

«Pythagora Euphorbi, reparas qui semina rerum
corporibusque novis das reduces animas,
dic quid erit Marcus iam fata novissima functus,
si redeat vitam rursus in aeriam?»
«Qui Marcus?» «Feles nuper pullaria dictus
corrupit totum qui puerile secus,
perversae veneris postico volnere fossor,
Lucili vatis +subpilo pullopremus».
«Non taurus, non mulus erit, non hippocamelus,
non caper aut aries, sed scarabaeus erit».